Advertisements
Blazing News Editor's Picks Rwanda

Igikorwa cyo gupima abantu covid-19 mu muhanda kirarimbanyije.

Ku mihanda itatu iri mu ikoreshwa n’abantu benshi mu mujyi wa Kigali kuva mu gitondo uyu munsi ku wa kane hari gufatwa ibipimo bya coronavirus ku bantu batandukanye bayinyuraho.

Ikigo cy’igihugu gishinzwe ubuzima mu Rwanda, RBC, kivuga ko “kigamije gusesengura uko icyorezo cya COVID-19 gihagaze mu Mujyi wa Kigali”.

Leta y’u Rwanda iheruka gutangaza ko igiye kongera ibikorwa byo gupima abantu ku bwinshi.Gufata ibipimo biri gukorerwa ku mihanda itatu;

Ku muhanda wa Kicukiro hafi y’ishuri rikuru ry’ubumenyi-ngiro rya IPRC
Ku muhanda wa Remera imbere ya Stade Amahoro uciye mu Migina
Ku muhanda wa Remera ugana ahazwi nko kuri KIE cyangwa kwa Rwahama.
Bamwe mu bari gufata ibi bipimo babwiye Itangazamakuru ko bibanda ku masaha ya mu gitondo abantu bari kujya mu kazi no ku masaha ya nimugoroba abantu bavuye ku kazi.

Abapolisi barahagarika bamwe mu bakoresha umuhanda – nta kurobanura, abatwaye imodoka, abatwara moto n’abanyamaguru – bakaberekeza ahafatirwa ibipimo iruhande rw’umuhanda.Gufata igipimo mu muhogo cyangwa mu mazuru, ni igikorwa kimara umwanya mutoya nyuma y’uko upimwe yanditswe umwirondoro n’ibindi bimuranga.

Kuri Stade Amahoro, umumotari umwe yabwiye Itangazamakuru ko yahagaritswe n’umupolisi akamutegeka ko ajya aho bamufata igipimo.

Undi mumotari avuga ko “yishimiye gupimwa kuko aba ari mu muhanda kenshi” bityo aba afite ibyago byinshi byo kwandura Covid-19.Dr Sabin Nsanzimana uyobora ikigo RBC yabwiye abanyamakuru ko ku ikubitiro muri iki gikorwa bagiye gupima abantu 5,000 ariko ko bashobora kongera umubare bitewe n’ibizava mu bipimo.

Ibisubizo kuri ibi bipimo Bwana Nsanzimana avuga ko biboneka mu gihe kitarenze amasaha 48, aba bapimwa bakazamenyeshwa uko bahagaze kuri telefone zabo.Bwana Nsanzimana avuga ko agaciro k’igipimo kimwe ku muntu kari hagati y’amadorari ya Amerika 50 na 100 (ari hagati ya 50,000 na 100,000 mu mafaranga y’u Rwanda).

Kuva mu kwezi kwa gatatu mu Rwanda hamaze gufatwa ibipimo birenga 140,000 bya Covid-19, hamaze kuboneka abantu 1,042 bayanduye, 480 bayikize na batatu yishe.

Advertisements

Related posts

Nyarugenge:Imiryango ifite uruhare runini mugutuma umwana adasubira kumuhanda//Uzamukunda Natalie//.

Munyantore Adolphe

Indonesia umuhango wo kuvuma covid-19 urarimbanyije.

Munyantore Adolphe

Polisi yatangaje ko igiye gusubukura gahunda yo gusuzuma ubuziranenge bw’ibinyabiziga.

Munyantore Adolphe