Advertisements
Blazing News Editor's Picks Sport

Guy Bukasa asobanuye byose hagati ye na Rayon sports

Umutoza wa Gasogi United, Guy Bukasa, yemeje ko mu gitondo cyo kuri uyu wa Kane, yavuganye na bamwe mu bayobozi ba Rayon Sports ariko nta cyemezo arafata ku hazaza he.

Bukasa yageze muri Gasogi United mu mpeshyi y’umwaka ushize, asinya amasezerano y’umwaka umwe w’imikino wamaze kurangira.

Ku gicamunsi cyo ku wa Gatatu nibwo hatangiye kuvugwa ko uyu mutoza ukomoka muri Repubulika Iharanira Demokarasi ya Congo, we n’umukinnyi Manace Mutatu Mbedi, bombi bagiranye ibiganiro na Rayon Sports ndetse bamwe bakavuga ko umutoza yasinye.

Mu kiganiro n’abanyamakuru cyabaye kuri uyu wa Kane, Guy Bukasa yanyomoje ibivugwa ko yavuganye n’abayobozi ba Rayon Sports ku wa Gatatu, ariko ahishura ko hari abamuhamagaye mu gitondo cyo kuri uyu wa Kane.

Ati “[Aseka] Ntabwo ndi umubeshyi kandi KNC arabizi neza. Nibyo nari nasinye umwaka umwe w’imikino warangiye imburagihe kubera icyorezo cya Coroanvirus cyibasiriye Isi. Ibibuha ni ibisanzwe, bashobora gutangaza Cristiano Ronaldo muri Gicumbi, bashobora gutangaza Mourinho muri Espoir FC, navuganye n’abantu barenga 10 mu bihugu bitandukanye haba mu Rwanda cyangwa ahandi.”

“Ibyo guhura n’abayobozi ba Rayon Sports ejo hashize, ntabwo ari byo. Ejo byaravugwaga, ariko uyu munsi nakiriye telefoni z’abantu bo muri iyo kipe, babinsaba ndabumva, ariko ntacyo twemeranyije.”

Bukasa yavuze ko ashobora kongera amasezerano muri Gasogi United kuko mu gitondo aribwo yashyikirijwe ibizaba biyakubiyemo kugira ngo abyigeho ndetse yemeje ko icyemezo atari we ubwe uzagifata kuko afite umuryango.

Ati “Ntabwo nasinye muri Rayon Sports. Muri Gasogi ndategereje, nohererejwe amasezerano mu gitondo kandi ngomba kubanza kuyasuzuma. Mu minsi iri imbere muzabimenya. Icyo cyemezo ntabwo nagifata ubwanjye. Mfite umuryango, mfite igihugu kirimo abantu benshi bamfasha.”

Bigendanye n’ibyigeze gutangazwa n’ubuyobozi bwa Gasogi United ko bafitanye imishinga n’umutoza Guy Bukasa, uyu Munye-Congo yavuze ko iyo gahunda ihari nubwo yakomwe mu nkokora n’ibihe bya COVID-19, ariko na none atari ndakuka.

Ati “N’abashakanye baratandukana. Ukuri ni uko hari imishinga twatangiranye kandi twifuza gukomeza nubwo hajemo icyorezo.”

Guy Bukasa avuga ko umusaruro ikipe ye yagize mu mwaka wa mbere mu cyiciro cya mbere uri ku kigereranyo cya 60%.

Umuyobozi wa Gasogi United, Kakooza Nkuriza Charles (KNC), yavuze ko Guy Bukasa akiri umutoza wayo ariko na none aramutse abonye indi kipe, akifuza kuyijyamo, bamushimira bakamureka akagenda.

Ati “Umutoza ashobora kujya mu yindi kipe iyo ariyo yose. Igihe icyo aricyo cyose. Agiyeyo ngo ni ugushaka kwihimura kuri Gasogi United byaba ari ikibazo ku batekereza gutyo. Bukasa ni umutoza mwiza, nta kipe itamwifuza.”

“Twamubonye akuze kandi ntabwo azaguma muri Gasogi kugeza apfuye. Benshi baramushakaga, ahitamo twe. N’ubu amahitamo ni we uzayakora. Twakwishimira ko yabonye aho bamuha ibyo yifuza.”

Gasogi United imaze gukina umwaka umwe mu cyiciro cya mbere, yawusoje iri ku mwanya wa cyenda.

Src: igihe

Advertisements

Related posts

Miss Rwanda:Abakobwa bamaze kuzinga ibikapu naho Mwiseneza Josiane aracyayoboye mumajwi

thebondsrwanda

Dore inkomoko yo kwambara imikufi kumaguru.

Munyantore Adolphe

Gasabo:Abahinzi ntibazi aho inkunga bagenerwa ijya.

Munyantore Adolphe