thebonds ad theBonds
18.9 C
Kigali
January 22, 2020
Blazing News Editor's Picks Sport

Pierre Emerick Aubameyang yitiriwe intsinzwi ya Arsenal

Arsenal imaze imikino 9 yikurikiranya itabona intsinzi byaherukaga kuyibaho mu myaka 42 ishize yongeye gutakariza ku kibuga cyayo itsindwa ibitego 2-1 na Brighton, gutsindwa kuri uyu mukino byagiye ku mutwe wa capoteni wabo Aubameyang wasohotse mu kibuga akajya mu bwiherero umutoza atabizi.

Iyi kipe iherutse kwirukana umutoza wayo mukuru Unai Emery, kuri ibu ikaba irimo gutozwa n’uwari umwungirije wanayikinnyemo akayigiriramo ibihe byiza Freddie Ljungberg nawe ntiyorohewe, kuko amaze imikino ibiri yikurikiranya nta ntsinzi abona.

Muri uyu mukino w’umunsi wa 15 wa Premier League, Adam Webester yafunguye amazamu ku ruhande rwa Brighton ku munota wa 36 mbere y’uko Alexandre Lacazette yishyurira Arsenal kuri ubu iri gutozwa na Freddie Ljungberg.

Iminota 90 yarangiye uyu munya-Suède wahawe Arsenal atabonye intsinzi mu mikino ibiri, ni nyuma y’uko Neil Maupay atsindiye Brighton igitego cyayihesheje intsinzi ku munota wa 80, umukino urangira Arsenal yari mu rugo, itsinzwe ibitego 2-1.

Aganira n’itangazamakuru nyuma y’umukino, umutoza w’agateganyo wa Arsenal, Freddie Ljungberg, yemeje ko Aubameyang yari akeneye kujya mu bwiherero.

Ati’’ Nanjye sinigeze menya igihe yagendeye, namubonye agaruka nyuma y’iminota mike. Iyo bibaye ngombwa ko ukenera kujyayo, ugomba kugenda.’’

Kuva mu kibuga kwa Aubameyang byavugishije abafana b’ikipe ya Arsenal amagambo menshi kuri twitter agaragaza ko batishimiye imyitwarire y’uyu munya Afurica

Bumwe mu butumwa twabahitiyemo hari uwanditse ku rubuga rwa Twitter ati’’ Aubameyang yagiye mu bwiherero hagati mu mukino twari turi gutsindirwamo?’’

Hari n’uwibajije niba ’’Aubameyang yaba yaragiye mu bwiherero’’, undi ati’’ Na Aubameyang yagaragaye avuye mu rwambariro. Yari afashe akaruhuko ko kujya mu bwiherero?’’

Kuri ubu Arsenal igeze ku mwanya wa 10 n’amanota 19, irushwa amanota 24 na Liverpool ya mbere, ikarushwa amanota 10 na Chelsea ya kane.

Rutahizamu wa Arsenal, Pierre-Emerick Aubameyang yazize kujya gukoresha ubwiherero hagati mu mukino



Related posts